ធនធានបច្ចេកវិទ្យាព័ត៌មាននៃកម្ពុជា

Big Data – A Revolution in Marketing & Media

admin — Sun, 05 May 2013 17:14:42 +0000

Facebook for Business

admin — Sun, 05 May 2013 17:02:11 +0000

បញ្ជីឈ្មោះតំណាងរាស្រ្ត CPP 2013 – Full

admin — Sun, 05 May 2013 07:51:20 +0000

ដៃគូលេងអុកដ៏ស្វិតស្វាញ

admin — Thu, 02 May 2013 06:15:59 +0000

កាលនៅពីតូចខ្ញុំអង្គុយមើលចាស់ៗលេងអុក និងសូមសរសើរគាត់ ក្នុងការគិតពិចារណាមុននឹងការសម្រេចចិត្តដើរមួយជំហានៗ។

រហូតមកដល់អាយុជាង៤០ទៅហើយ ខ្ញុំនៅតែទទួលស្គាល់ថា ខ្លួនឯងមិនអាចលេងបានល្អ ដូចចាស់ៗពីជំនាន់មុនទេ អ៊ីចឹងហើយ បានជាខ្ញុំតែងតែលេងធ្វើចាញ់រហូត ដើម្បីរៀនពីអ្នកពូកែៗ ដទៃទៀតហើយរហូតមកដល់ពេលនេះនៅតែរៀនមិនចេះអស់។

កាលពីប៉ុន្មានឆ្នាំមុន គឺមានការប្រកួតអុកថ្នាក់ជាតិហើយខ្ញុំអង្គុយមើលឡើងភ្លេចបាយភ្លេចទឹកដោយលាន់មាត់ កោតសរសើរពីយុទ្ធសាស្រ្តរបស់អ្នកលេងថ្នាក់ជាតិទាំងនោះខ្លាំងណាស់។ ក្នុងល្បែងនេះ គឺលេងលើក្តារបន្ទះដែលមាន ៦៤ ក្រឡាហើយអ្នកលេងមានតែពីរនាក់ទេ គឺភាគច្រើនម្ខាងកាន់កូនពណ៌ស និងម្ខាងទៀតកាន់កូនពណ៌ខ្មៅ។ កូនអុកគឺមាន១៦ ក្នុងនោះគឺមាន ត្រី ៨ សេះ ២ ទូក២ គោល២ នាង១ និងស្តេច(អង្គ)១ ហើយត្រី គឺត្រូវបានគេរៀបឲ្យនៅជួរមុខ ក្រៅពីនេះ គឺនៅជួរក្រោយជាមួយស្តេច។

អ្នកលេងមានវិធីច្រើនផ្សេងៗគ្នា អ្នកខ្លះដើរត្រីទៅមុខកូននាងមុន ដើម្បីឲ្យកូននាងអាចឡើងបាន ហើយបានបោះសេះឡើង តែអ្នកខ្លះ គឺបោះសេះឡើងតែម្តង។ តែទោះជាយ៉ាងណា ត្រីនៅតែចាត់ទុកថា ជាកូនដែលមិនសូវសំខាន់សម្រាប់អ្នកលេងមួយចំនួនធំ ហើយចុងក្រោយគឺទុកតែ២ ឬ បី ដេញសម្លាប់ គូបដិបក្ខ។ តាមតែជំនាញរៀងៗខ្លួន ដែលអ្នកខ្លះពូកែសេះគឺគេទុកសេះ ដើម្បីសម្លាប់ ហើយអ្នកខ្លះទៀត គឺគេទុកត្រី៣ ឬហៅថា ត្រីទឹម។ តែអ្នកពូកែលេង គឺទុកកូនសំខាន់ៗ ទៅតាមកាលៈទេសៈ។ ជាធម្មតាកូនដែលគេទុក គឺគេមិនដើរមុនដំបូងទេ គឺដើរក្នុងឱកាសដែលត្រូវដើរ ហើយដើរមករកស្តេចតែម្តង។ គ្រាន់តែឮគេនិយាយតៗគ្នាថា យុទ្ធសាស្រ្តអ្នកលេងដែលល្អបំផុត គឺការពារមិនឲ្យទូក ឬសេះ របស់សត្រូវ ចូលមកទីលានខាងក្នុងរបស់ខ្លួន ហើយការពារត្រីមិនឲ្យឡើងមកបក។

ប្រិយមិត្តដឹងទេ មានអ្នកពូកែលេងអុកពីរនាក់ដែលលេងតាំងពីឆ្នាំ ១៩៩៨ រហូតមកដល់ឥឡូវ នៅតែមិនទាន់ដឹងឈ្នះចាញ់ គឺរុញទៅ រុញមក ដេញទៅ ដេញមក ហើយពេលខ្លះ ខ្ញុំខំតាមដាន រហូត ដាច់បាយដាច់ទឹកក៏មាន។

មុននេះបន្តិច ម្នាក់ដែលពូកែលេង និងល្បីជាងគេ គឺលេង ១ ទល់ ២។ មានន័យថា គាត់លេង លើក្តារពីរ ក្នុងពេលតែមួយ គឺគាត់ម្នាក់ឯង ប្រកួតជាមួយអ្នកលេងពីរនាក់ផ្សេងគ្នាក្នុងពេលតែមួយ។ តែគួរឲ្យស្តាយ ដៃគូម្ខាងទៀត បានចុះចាញ់យ៉ាងអាម៉ាស់មុខហើយលើកទង់ជ័យស ថាឈប់លេងអុកជារៀងរហូត។ ឥឡូវនៅសល់តែមួយទល់មួយ គឺសម្តេច តេជោ ហ៊ុន សែននិងឯកឧត្តមសម រង្ស៊ី។

ក្នុងរូបភាពខាងក្រៅ សម្តេចហ៊ុន សែន លេងបានល្អនិងមានប្រៀបជាង ឯកឧត្តម សម រង្ស៊ី តែតាមពិតបែរជាបន្សល់ទុកនូវចន្លោះប្រហោងជាច្រើន ក្នុងយុទ្ធសាស្រ្តរបស់ខ្លួន។ មើលទៅសម្តេចបានមើលស្រាលឯកឧត្តម សម រង្ស៊ីពេកហើយ។ អ្វីដែលយើងគ្រប់គ្នាមើលឃើញពីយុទ្ធសាស្រ្ត របស់ សម្តេច ហ៊ុន សែន គឺវាយប្រហារមុន បានការពារជាក្រោយ ឬថា ពង្រីកមុន ពង្រឹងក្រោយ។ ជាក់ស្តែង ដូចជា សម្តេចបានវាយរុលទៅមុខ និងសម្ញែងឫទ្ធិ នៅជួរមុខយ៉ាងខ្លាំង តែបែរជាបន្សល់ទុក នូវចំណុចខ្សោយជាច្រើនកន្លែងជាពិសេស គឺស្តេច (អង្គ) តែម្តង មានការការពារដែលមិនមានភាពរឹងមាំធ្វើឲ្យត្រីបកនិងសេះរបស់ឯក ឧត្តមសម រង្ស៊ី ឡើងសន្សឹមៗ ជិតដល់ស្តេចរៀបតែនឹងអុកទៅហើយ។ ពេលនេះ ស្តេច(អង្គ)របស់សម្តេចហ៊ុន សែន កំពុងតែជិតអស់ក្រឡាដើរហើយ នៅរង់ចាំតែកូនមួយ ឬពីរទៀតរបស់ ឯកឧត្តមសម រង្ស៊ី ឡើងមក គឺសង្គ្រប់យកតែម្តង។ តែថ្មីៗនេះ សម្តេច ហ៊ុន សែន ហាក់បីដូចជាបានដឹងខ្លួនជាមុន ហើយខំការពារយ៉ាងមុតមាំ ដោយប្រើគ្រប់យុទ្ធសាស្រ្ត មិនឲ្យកូនអុក របស់ ឯកឧត្តម សម រង្ស៊ី ចុះមកថែមទៀតទេទោះត្រូវអស់គោល អស់សេះអស់ទូកក៏ដោយ ហើយថែមលើនេះទៀត គឺកំពុងតែរកវិធីកម្ចាត់កូនដែលកំពុងតែកៀកស្តេច របស់សម្តេចចោលដែរ។

ចំណែកឯ ឯកឧត្តម សម រង្ស៊ី វិញ ក៏បានដឹងថា សម្តេចហ៊ុនសែន ដឹងខ្លួន និងយល់ពីយុទ្ធសាស្រ្តរបស់ខ្លួនក៏បង្កើនយុទ្ធសាស្រ្តបន្លំនិងឆ្ពិនភ្នែក ជន្លឆ្វេង វាយស្តាំ ដោយប្រើប្រាស់ កូនអុករបស់ខ្លួនផ្សេងៗទៀត វាយលុកចំណុចខ្សោយ ដើម្បីឲ្យសម្តេចដកកូនមកជួយចំណុចខ្សោយ តែតាមពិតគឺដើម្បីបំបែកចំណុចខ្លាំង ថែមទាំងឡើងកូនសំខាន់ៗទៅកាន់តែកៀកស្តេចរបស់ សម្តេច ហ៊ុន សែនដើម្បីសម្លាប់តែម្តង។

ថ្មីៗនេះ ត្រីបករបស់ឯកឧត្ដមសម រង្ស៊ី ឡើងបានច្រើនគួរសម ដោយបន្លំដៃគូបដិបក្ខរបស់ខ្លួនថា កំពុងតែវាយប្រហារចំណុចសំខាន់ៗរបស់សម្តេច ហ៊ុន សែន តែតាមពិតគឺកំពុងបង្វែរទិសដៅ ទៅរកស្តេចដែលកំពុងតែជិតអស់ក្រឡាដើរឯណោះទេ។ ជាការធ្វេសប្រហែសមួយគឺថា សម្តេច ហ៊ុន សែន កំពុងតែប្រើវិធីយកត្រីសម្លាប់ត្រីយកសេះសម្លាប់សេះ យកទូក សម្លាប់ទូក ឬថា លូកដៃកាត់ដៃ លូកជើងកាត់ជើង។ វិធីនេះត្រូវចិត្ត ត្រូវថ្លើម ឯកឧត្តម សម រង្ស៊ី ជាខ្លាំង ធ្វើឲ្យឯកឧត្តមជន្លកាន់តែខ្លាំងពិតជាគ្រោះថ្នាក់ខ្លាំងណាស់។ នេះមកពីសម្តេច ឆេវឆាវពេកគឺធ្វើការសម្រេចចិត្តក្នុងពេលកំពុងតែភ័យនិងកំពុងតែខឹង។

តាមយុទ្ធសាស្រ្តសង្រ្គាម របស់ ស៊ុន ជឺ គឺត្រូវគេចចេញពីចំណុចខ្លាំងរបស់សត្រូវហើយវាយប្រហារចំណុចខ្សោយរបស់សត្រូវ។ យុទ្ធសាស្រ្តរបស់សម្តេច ហ៊ុន សែន គឺកំពុងបង្ហាញចំណុចខ្សោយដល់ គូសត្រូវរបស់ខ្លួន។ ចំណុចខ្សោយរបស់សម្តេច ហ៊ុន សែន កាន់តែបង្ហាញច្បាស់ឡើងៗ ហើយបាននិងកំពុងតែត្រូវបានត្រីបក របស់ ឯកឧត្តម សម រង្ស៊ី វាយប្រហារយ៉ាងទាន់ពេលវេលា។ អ្វីដែលគេឃើញកាន់តែច្បាស់ គឺសម្តេច បានបង្ហាញភាពភ័យខ្លាច ដោយ យកគោល យកសេះ យកទូក ដែលកំពុងតែការពារស្តេច(អង្គ) ទៅទប់ការវាយប្រហារនេះទៅវិញ។ ចំណុចនេះសម្តេច ហ៊ុន សែន កំពុងតែបើកចំហមុខស្តេចរបស់ខ្លួន ឲ្យទូករបស់គេ ដែលរង់ចាំនៅទីនោះជាយូរណាស់មកហើយ ដោយរង់ចាំតែឱកាសវាយប្រហារប៉ុណ្ណោះ។ ឥឡូវសម្តេច ហ៊ុន សែន បានស៊ីកូនត្រីដែលនៅរារាំងធ្វើជារបងការពារ ស្តេច(អង្គ)របស់សម្តេចដែលតាមពិត កូនត្រីនោះជានុយរបស់គេទេ។ ឥឡូវគឺធ្លាយ ពីរច្រកហើយ គឺច្រកមុខស្តេច និងខាងឆ្វេងស្តេច។

អ្នកលេងអុកពូកែគឺយកកូនរបស់សត្រូវធ្វើជារបងការពារស្តេច ហើយនៅពីក្រោយ គឺត្រៀមគោលមួយ និងសេះមួយចាំជួយទប់។ គេរៀបការពារសិន មុននឹងវាយប្រហារ តែសម្តេចហ៊ុន សែនវាយប្រហារមុន បានមករៀបទ័ពការពារស្តេចជាក្រោយ។ ពិតជាគ្រោះថ្នាក់ណាស់។ សូមកុំភ្លេចថា ការបោះឆ្នោតឈ្នះឬចាញ់នៅខែកក្កដាខាងមុខនេះ មិនមែនជាចុងបញ្ចប់នៃល្បែងនេះទេ។ ឯកឧត្តម សម រង្ស៊ី អុកបញ្ឆោតឬដេញបញ្ឆោត តែមិនមែនជាចំណុចរបស់ឯកឧត្តមសម រង្ស៊ី ចង់បានទេ។

សម្តេចហ៊ុន សែនក៏បានដឹងដែរ ថា ឯកឧត្តម សម រង្ស៊ី នឹងចំណាយគោលមួយនេះ(លទ្ធផលនៃការបោះឆ្នោត ២០១៣)ដើម្បីឡើងត្រីយកត្រីបក និងឡើងកូនផ្សេងៗទៀតមកក្បែរស្តេចរបស់សម្តេច ហ៊ុន សែន។ ត្រូវចាំថា ចុងបញ្ចប់នៃល្បែងនេះគឺអ្នកចាញ់ និងអស់សិទិ្ធឡើងសង្វៀនបន្តទៀត ដូចជាករណីសម្តេចក្រុមព្រះអ៊ីចឹងហើយអ្នកដែលឈ្នះ នឹងត្រូវប្រកួតជាមួយអ្នកថ្មីទៀត។

ចំណុចខ្សោយរបស់ សម្តេច ហ៊ុន សែន គឺមានជាក់ស្តែងដូចជាការដែលសម្តេចមិនឲ្យឯកឧត្តមសម រង្ស៊ីចូលស្រុកគឺសម្តេចចាញ់បោកឯកឧត្តម សមរង្ស៊ីតែម្តង។ សម្តេច ហ៊ុន សែន ខ្លូនឯង ក៏ដឹងដែរថា ឯកឧត្តមសមរង្ស៊ីមិនចង់ចូលស្រុកប៉ុន្មានទេព្រោះនៅក្នុងស្រុកគឺមានគ្រោះថ្នាក់គ្រប់ជំហាន។ តែបើគង់តែចេញ គឺត្រូវវាយប្រហារចំណុចខ្សោយមួយសិន ឬថា គង់តែចេញ ក៏ត្រូវតែចេញឲ្យមានហេតុផល ឬស្របកាលៈទេសៈ។ វិធីនេះហៅថា យកឆ្ងាយ បង្ក្រាបជិត ឬបោះសន្ទូចរំលងភ្នំ។ វិធីនេះ គឺមានយូរហើយ ហើយកាន់តែមានប្រសិទ្ធភាពថែមទៀត ក្នុងសម័យបច្ចេកវិទ្យាកាន់តែជឿនលឿន។ តែទោះជាយ៉ាងណា បើ សម្តេច ហ៊ុន សែន ដកឃ្លា យកពេលមកគិត ពិភាក្សាជាមួយ អ្នកប្រាជ្ញ នៅជុំវិញខ្លួន កុំស្តាប់តែអ្នក បញ្ចើចបញ្ចើ សម្តេច នឹងអាចរក វិធីទប់ទល់បាន។ សុភាសិតខ្មែរមួយពោលថា មិត្តដែលល្អគឺជាអ្នកដែលនិយាយអាក្រក់ពីយើង នៅចំពោះមុខយើងហើយនិយាយល្អពីយើងពេលនៅពីក្រោយយើង។

វិធីសាស្រ្តមួយក្នុងចំណោមវិធីជាច្រើន ដែលអាចស្តារស្ថានភាពបាន គឺរកវិធីសម្លាប់ត្រីបកឲ្យអស់ ហើយទាញគោល មកដេញសេះដែលគាបស្តេចជាប់។ វិធីនេះ ហៅថាវិធីកាត់បេះដូងជូនម្តាយ។

ខ្ញុំមិនហ៊ាននិយាយថា នរណាជាតួអង្គស្តេច(អង្គ) នរណាជាតួអង្គគោល នរណាជាតួអង្គសេះ នរណាជាតួអង្គត្រី នរណាជាតួអង្គទូក នោះទេ។ តែខ្ញុំជឿជាក់ថា ក្នុងនាមជាអ្នកលេង ខ្លួនឯង គឺដឹងច្បាស់ណាស់ ជាពិសេស ខ្ញុំបាទល្បីថា សម្តេច ហ៊ុន សែនជាកំពូលអ្នកលេងអុកលេខមួយ នៅស្រុកខ្មែរ។ ជាឧទាហរណ៍ជាក់ស្តែងមួយ ហើយសម្តេច ហ៊ុន សែន ក៏បានដឹងច្បាស់ហើយដែរ ថា អ្នកដែលនៅជុំវិញខ្លួនសម្តេច គឺគាំទ្រសម្តេច តែសម្បកខាងក្រៅទេ តែកាលៈទេសៈមកដល់ គឺគេប្រែក្រឡះភ្លាម។ ទាំងនេះ គឺមកពីសម្តេចជំរុញឲ្យពួកគេធ្វើដូច្នេះ នេះហើយ ជាត្រីបកមួយ ក្នុងចំណោមត្រីបកជាច្រើន របស់ ឯកឧត្តម សម រង្ស៊ី កំពុងតែប្រើ ហើយសម្តេច ក៏ដឹងដែរ។ យើងទាំងអស់គ្នា នឹងរង់ចាំមើល ការប្រកួតមួយនេះ តើលទ្ធផលទៅជាយ៉ាងណា?

បើប្រិយមិត្តគាំទ្រខ្ញុំបាទនឹងសរសេរការវិភាគនយោបាយតាមរបៀប អ្នកលេងអុកនេះទៅទៀត នៅពេលមានការវិវឌ្ឍអ្វីមួយ។

ជាចុងបញ្ចប់ ខ្ញុំបាទគ្រាន់តែជាអ្នកវិភាគ ដែលចេញពីគំនិត និង ចំណេះដឹងស្តួចស្តើងតែប៉ុណ្ណោះ ហើយខ្ញុំបាទ រង់ចាំទទួលជានិច្ចនូវការណែនាំពីរៀមច្បង និង ប្រិយមិត្ត៕

ពីខ្ញុំបាទ ប៉ែន សុជីវន្ត នៅខេត្ត រតនគិរី

អត្ថបទដើម៖

http://www.postkhmer.com/index.php/national/letter-to-editor/97273-2013-05-02-03-07-34

ពីក្មេងស្រែចម្ការ ក្លាយជាអ្នករចនារូបដ៏ល្បីរហូតដល់ក្រៅប្រទេស

admin — Thu, 02 May 2013 03:15:29 +0000

អ្នករចនារូបភាព ដែលចាប់កំណើតក្នុងស្រុកស្រែកចម្ការតាមដងទន្លេមេគង្គ ជាកន្លែងមិនសូវមានការបណ្ដុះបណ្ដាលផ្នែកនេះសោះ បែរជាមានឈ្មោះបោះសំឡេង ទាំងក្នុងឆាកជាតិ និងអន្តរជាតិ តាមរយៈស្នាដៃច្នៃប្រឌិតខ្ពស់របស់ខ្លួន។

យុវជន កុយ វិសុទ្ធ ដែលមានរហ័សនាមថា វិសុទ្ធ កវី បានសម្រេចគោលបំណងរបស់ខ្លួន ដោយបានក្លាយជាអ្នករចនារូបភាពដ៏ពូកែមួយរូប ល្បីរន្ទឺពាសពេញទំព័រហ្វេសបុក។ រូបភាពរបស់លោកត្រូវបានស្ថាប័ននានា ដូចជាស្ថានីយទូរទស្សន៍ គេហទំព័រអាស៊ាន ឬស្ថានទូតអាមេរិក យករូបរបស់លោកទៅប្រើប្រាស់ទៀតផង។

វិសុទ្ធ កវី បានប្រាប់ Sabay ថា កាលពីតូច រូបលោកចូលចិត្តគូរគំនូរបែបច្នៃប្រឌិតផ្សេងៗ ដែលនិយាយពីទេសភាព និងវប្បធម៌ស្រុកខ្មែរ ប៉ុន្តែនៅពេលនោះ លោកមិនទាន់បានស្គាល់ ឬប៉ះពាល់កុំព្យូទ័របន្តិចណាឡើយ។ ពេលនោះ វិសុទ្ធ កវី គ្រាន់តែគូរគំនូរផ្សេងៗនៅលើក្រដាសតែប៉ុណ្ណោះ។

ព័ត៌មានបន្ថែម៖

http://news.sabay.com.kh/articles/412236

ផែនការយុទ្ឋសាស្រ្តវិស័យអប់រំឆ្នាំ ២០០៩-២០១៣

admin — Wed, 01 May 2013 07:49:10 +0000

ដើម្បីធានាសង្គតិភាពនៃឋានានុក្រម តួនាទី ខ្លឹមសារ និងលំដាប់លំដោយនៃការអនុវត្តរវាង យុទ្ធសាស្ត្រចតុកោណដំណាក់កាលទី២ ជាមួយនឹងផែនការយុទ្ធសាស្ត្រអភិវឌ្ឍន៍ជាតិបច្ចុប្បន្នកម្មឆ្នាំ ២០០៩-២០១៣ ផែនការយុទ្ធសាស្ត្រវិស័យអប់រំឆ្នាំ ២០០៩-២០១៣ ត្រូវបានពិនិត្យឡើងវិញ សំដៅកែលម្អសេវាអប់រំឱ្យកាន់តែប្រសើរថែមទៀត។

ការពិនិត្យឡើងវិញផែនការយុទ្ធសាស្ត្រវិស័យអប់រំឆ្នាំ ២០០៩-២០១៣ នេះ បានបង្ហាញអំពី បម្រែបម្រួល និងបង្ហាញពីដំណាក់កាលការងារដ៏សំខាន់មួយរបស់ក្រសួងអប់រំ យុវជន និងកីឡា ក្នុងការបន្តអនុវត្តកំណែទម្រង់វិស័យអប់រំ យុវជន និងកីឡា នៅកម្ពុជាស្របតាមកំណែទម្រង់នារបស់រាជរដ្ឋាភិបាល។ ក្នុងរយៈពេល ៥ឆ្នាំ នៃការអនុវត្តផែនការយុទ្ធសាស្ត្រវិស័យអប់រំកន្លងមកនេះ ក្រសួងនិងដៃគូអភិវឌ្ឍបានធ្វើឱ្យមានការរីកចម្រើនគួរឲ្យកត់សម្គាល់ ក្នុងការផ្តល់ការអប់រំប្រកបដោយ សមធម៌ ការកែលម្អគុណភាពនិងប្រសិទ្ធភាពសេវាអប់រំ និងការគ្រប់គ្រងសេវា អប់រំ ។

ទាញយក៖⁣ ផែនការយុទ្ធសាស្រ្តវិស័យអប់រំ

ICT Masterplan in Education (2009-2013)

admin — Wed, 01 May 2013 07:43:55 +0000

In application of Cambodia’s Education Law, its Education for All National Plan, and the Education Strategic Plan 2009-2013, and also in line with the Ministry’s vision to “establish and develop human resources of the very highest quality and ethics in order to develop a knowledge-based society within Cambodia”, this Master Plan for ICT in Education 2009-2013 has the following general objectives:

Download Document in ICT Masterplan in Education in Khmer and ICT Masterplan in Education in English.

Effective Internet Searching by Ministry of Education

admin — Wed, 01 May 2013 07:30:12 +0000

Website for Product Promotion and Ads

admin — Sun, 28 Apr 2013 10:40:08 +0000

ដោយហេតុថានៅលើទីផ្សារមានក្រុមហ៊ុនច្រើនក្នុងការប្រកួតប្រជែង ដូច្នេះហើយទើប ក្រុមហ៊ុនកាសែតពត៌មាន “ដើមទៀប” ទាមទារឲ្យមាន សេវាកម្មផ្តល់ព័ត៌មានដល់អតិថិជនតាមប្រព័ន្ធអ៊ីនធឺណែត ដើម្បីជួយសំរួលទៅដល់អតិថិជនក្នុងការជាវផលិតផល ក៏ដូចជាព័ត៌មានផ្សេងៗរបស់ក្រុមហ៊ុនផងដែរ ។ ការរផ្សព្វផ្សាយព័ត៌មាន អំពីផលិតផលផ្សេងៗនៅលើប្រព័ន្ធអ៊ីនធឺណែត គឺទាមទារ នូវការកំណត់តម្លៃរបស់ផលិតផលនីមួយៗឲ្យបានច្បាស់លាស់ និង សេវាកម្មដឹកជញ្ជូនទៅឲ្យអតិថិជន ។

Website Proposal – Selling Books

admin — Sun, 28 Apr 2013 09:32:51 +0000

គម្រោងនេះបង្កើតឡើងគឺដើម្បីជួយសម្រួលដល់អ្នកសិក្សាងាយស្រួលស្វែងរកសៀវភៅល្អៗ និងអាចពង្រីកចំណេះដឹងបន្ថែមទៀត ចំពោះភ្ញៀវអន្តរជាតិគឺថាងាយស្រួលទិញសម្ភារៈ។